Лезги аялрин сайт — Лезгинский сайт для детей!
Обучающий сайт для детей на лезгинском языке
Рассказы на лезгинском языке
Тамай кьве юлдаш физвай. Садлагьана кул-кусрай зурба са сев акъатна. Гадайрикай сад катна ва ам тадиз кьакьан тарциз акьахна, гьана чуьнуьх хьана. Муькуь гада рекьел аламукьна. Ам ийиртийир хьана амай. Идани чилел ярх хьана кьейидан амалар авуна. Сев идан патав атана, авахъай ни чIугуна; галали гьич нефесни къачузвачир.
Читать далее «Гьикая. Кьве юлдаш. Л. Толстой. Два товарища. Рассказ на лезгинском языке»
Заз Уьлмез лугьудай са кицI авай. Са сеферда зун Уьлмезни галаз гъуьрчяй хквезвай. Няниз мукьва тир. Экв аламаз хуьруьз ахгакьун патал зун, рехъ туна, мукьвал жигъирдай фена.
Бирдан зун татабар хьана алукьна. ГьикI ятIани зи валчагъ раган хъиткьердай экъечIнавай тарцин хилехъ галкIана. Зун раган къерехдилай куьрс хьана. Агъадай вацIун ван къвезвай. Читать далее «Гьикая. Уьлмез. А. Ражабов. Рассказ на лезгинском языке»
Мусадин муьжуьд йис тир. Абур хуьруьн лап къерехда яшамиш жезвай. Абуруз гзаф верчер авай, амма гьар кьвед-пуд йикъалай верчерикай сад-кьвед квахьиз хьана. Мусадин диде-буба и кардал тажуб жезвай.
— Бес верчер гьиниз фирай? – вичи-вичик фикирна гадади. ХъуьтIуьн вахт тир, сафунай ичIирзавайди хьиз, куьлуь жив къвазвай. Югъ мичIи хьайила, Муса демекдин патав гвай тIанурда чуьнуьх хьана ацукьна. Вилер ахварихъ кузвайтIани, ам ксанач.
Йифен са арадилай чилел алкIиз-алкIиз са чакъал атана. Чакъалди, инсанди хьиз, вичин пацаралди демекдин ракIарихъ галай къван галудна, анай са верч кьуна. Мусадиз чакъалдин амалдарвал акуна, амма гада мадни амалдар хьана.
Чи классда Панагь лугьудай са гадани ава. Адан къиметар гьамиша пудар я. Амма яман мез авай гада я. Шумудра классда авай аялрихъ галаз хъелни хьана. Мадни вич гьа вич я хьи, я.
ФатIиматаз вичин халуди ам хайи юкъуз къизилдин перо авай са авторучка пишкешна. Кьве йикъалай ФатIиматан ручка квахьна. Классдай квахьна. Панагьа мад вичин яргъи мез вири классра къекъуьрна. «Са еке къарпуз чуьнуьхайдавай и гъвечIи ручка къвалав гваз эхиз жедани?» — лугьуз, закай бегьем «чуьнуьх гумбатI» авуна. Зал гьамиша ихтибардай ФатIимат и гафунихъ инанмиш тушир, гьакI ятIани, гьамни шаклу хьана. Читать далее «Гьикая. Четин кьуьд. Гь. Межид»
Кьуьд тир. Митя мурк авай гуьнедай гъелеррай авахьна, хъуькъвер яру хьана кIвализ хтана. «Пагъ, ажеб кеф жеда хъуьтIуьз! – лагьана ада бубадиз.- Заз, гьамиша кьуьд хьанайтIа, кIандай». Бубади Митядин гафар вичин къултухдин ктабда кхьена.
Читать далее «Гьикая. Кьуд мурад. К. Ушинский. Четыре желания»
Пакамахъ къарагъайла, инсанрай агь акъатна: кьуд пад вилин ишигъ тухудай кьван, лацу тир. Кьуьд хабарни авачиз атанвай. ЧIехи вацIун дере, ам элкъуьрна кьунвай кьакьан дагълар, дар куьчеяр, кIвалер – вири къалин, пурпу живеди кIевирнавай. Цав алахьнавай, анай анжах пакаман аяздихъ галаз экуь цIверекIар, яваш гарал къугъваз-къугъваз, авахьзавай… Япара ван гьатдайвал секин я. Гьич кицIерни элуькьзавач. Инсанриз, ничхирриз тIебиатди багъишнавай лацу кавалдикай хкечIиз кIанзавач.
Кефердин мирг гзаф гуьрчег гьайван я. Адан кьил гзаф хилер алай крчари безетмишнава. Гатфарихъ куьгьне крчар аватна, цIийибур экъечIда.
Виликди хьана, кицI кIевиз элуькьзавай. Жугъундив игис хьана, лап адан вилик, чIарар цаз-цаз авуна, са гъвечIи шенпIи ацукьнавай. Ада язух къведайвал гьарайзавай. Вуч жедатIа акваз, яргъал хьиз кьве гада акъвазнавай.
Чи тамара са къуш яшамиш жезва. Ам вич лацу-цIару чкаяр квай чIулавди я, адан кукIушдал яру рангунин цIакулар ала. А ничхирдиз кIекIе лугьуда. Читать далее «Гьикая. КIекIе. Г. Скребицкий ва В. Чаплина»
Са сеферда заз ихьтин кар акуна. Зун лыжайрал алаз тамай физвай. Югъ алахьай, хъсан аяз авайди тир. Зун чIехи ачух майдандал акъатна. Анал верхи тарар алай. Тарара тамун верчери тIурар незвай. За, ибурун мукьув гьикI агатда лугьуз, фикирар ийизвай.
Читать далее «Гьикая. Къушар живедин кIаник. М.Пришвин. Птицы под снегом»