Гьикая. Кефердин мирг

      

     Кефердин мирг гзаф гуьрчег гьайван я. Адан кьил гзаф хилер алай крчари безетмишнава. Гатфарихъ куьгьне крчар аватна, цIийибур экъечIда.

      Миргел чими къалин чIар жеда. Адан гужлу кIвачерал гьяркьуь кикер ала. Гьавиляй хъуьтIуьз абур живеда акIидач.

     Мирг гзаф дурумлу, гзаф четинвилер эхиз жедай гьайван я. Адаз кефердин къаярихъайни чайгъунрихъай кIусни кичIедач. Яргъи хъуьтIуьз тIуьн патал адаз гзаф алаф гьазурунни герек туш. ХъуьтIуьз тIуьн ада вичиз вичи жагъурда: кикералди кьечIяна, живедин кIаникай векь хкудда.

      Кефер пата яшамиш жезвай инсанри гъилив вердишарнавай миргер хуьзва, абурукай еке менфятар къачузва: як, хам патал тукIвазва, крчарикай дарман хкудзава. Миргер пар ва инсан тухун патални ишлемишзава.

Рамалданов А.Р. «Лезги чIал»

 2-синиф,Махачкала, 2002,-332с

Гафар ва ибараяр: кефердин мирг – северный олень; гьайван – животное; крчар – рога; безетмишун — украшать; къалин – густой; гьяркьуь – широкий; кикер – копыта; дурумлу – устойчивый, выносливый; эхун (эхиз) – терпеть, переносить; чайгъун – вьюга, метель; кIусни – ничуть; алаф – корм; векь – трава; кьечIин – встряхивать; гъилив вердишар – прирученные; менфят къачун – получать пользу, выгоду; хам – шкура; дарман – лекарство; пар – груз, вьюк; ишлемишун – использовать, употреблять.

Суалар:

  1. Мирг гьина яшамиш жезва?
  2. Ам гьихьтин гьайван я?
  3. Адан тIуьн вуч я?
  4. Миргери инсандиз вуч гузва?

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.