Гьикая. Кьуд мурад. К. Ушинский. Четыре желания

 

    Кьуьд тир. Митя мурк авай гуьнедай гъелеррай авахьна, хъуькъвер яру хьана кIвализ хтана. «Пагъ, ажеб кеф жеда хъуьтIуьз! – лагьана ада бубадиз.- Заз, гьамиша кьуьд хьанайтIа, кIандай». Бубади Митядин гафар вичин къултухдин ктабда кхьена.

   Гатфар алукьна. ЦIару чепелукьрихъ калтугна, бул чукурунар авуна, цуьквер атIана, бубадин патав хтана, Митяди лагьана: «Ажеб гуьзел тушни гатфар! Заз, гьамиша гатфар хьанайтIа, кIандай». Бубади Митядин и мурадни кхьена.

   Гад атана. Митя бубадихъ галаз язавай векьиз фена. Яргъи югъ гадади шадвал ийиз, къугъваз акъудна; ада къарникъузар, куьлуь емишар кIватIна, хъсан ни къведай кьурай векьерал кьилинпацар ийиз къугъвана, нянихъ бубадиз лагьана: «Гад куьтягь тежез амукьнайтIа,зи мурад тир!» Бубади и гафарни кхьена.

       Зул алукьна. Багъда емишар: яру ичер, хъипи чуьхверар атIуз башламишна. Митя гзаф шад тир, ада бубадиз лагьана: «Зул йисан вири вахтарилайни хъсан я!»

    Бубади вичин ктаб ахъайна, Митядиз ада хъуьтIуькайни, гатфарикайни ва гатукайни гьакI лагьанвайди къалурна.

К. Ушинский

Рамалданов А.Р. «Лезги чIал»

 2-синиф,Махачкала, 2002,-332с

Шикилар: Н. Устинова

Гафар ва ибараяр: кьуьд – зима; мурк – лёд; гуьне – склон, горка; хъуькъвер – щёки; пагь – ну!; гьамиша – всегда; къултухдин – карманный; гатфар – весна; чепелукь – бабочка; чукурунар авун – бегать; гад – лето; векьиз фин – уйти на сенокос; къарникъузар – грибы; кьилинпацар авун – кувыркаться; хъсан ни къведай – душистый; зул – осень; чуьхверар – груши; къалурна – показал.

Суалар:

  1. Кьуьд, гатфар, гад, зул квелди хъсан я?
  2. Куь фикирдалди, йисан гьи вахт хъсан я? Вучиз?

 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.