Инсандикай хабар кьадайла вуж? суал гуда.
Месела: Муса, юлдаш, руш.
Амай вири затIарикай хабар кьадайла вуч? суал гуда.
Месела: туп, майва, партал.
Метка: тарс
Тарс 14. Вургъу. Ударение в лезгинском языке
Гафуна са гьежа амайбурулай гужлуз акъатуниз вургъу лугьуда.
Месела: мекте́б, дафта́р, улу́бар.
Лезги чIала вургъу кьвед лагьай гьежадал аватда.
Месела: су-вар, бал-кIан.
Тарс 13. Лабиал сесер квай гафар маса цIарцIиз акъудун
Лабиал сесер квай гафар са цIарцIяй маса цIарцIиз акъуддайла, лабиалвал къалурзавай «в» гьарф вич галай ачух тушир гьарфаривай чара авуна виже къведач.
Месела: Рух-ваяр жедач, ру-хваяр хьана кIанда.
Накь-вар жедач, на-кьвар хьана кIанда.
Читать далее «Тарс 13. Лабиал сесер квай гафар маса цIарцIиз акъудун»
Тарс 12. Гафунин кьатI са цIарцIяй маса цIарцIиз акъудун
Гафунин кьатI са цIарцIяй маса цIарцIиз гьежайралди акъудда.
Месела: Ва-тан, Му-рад, бу-ба, чу-ба-рак.
Са гьарф я цIарцIе туна виже къведач, я цIийи цIарцIиз акъудиз жедач. Са цIарцIяй муькуь цIарцIиз икI акъудна кIанда.
Месела: акIур-на, акъат-на, хали-яр, Ами-нат.
Читать далее «Тарс 12. Гафунин кьатI са цIарцIяй маса цIарцIиз акъудун»
Тарс 11. Гьежа. Слоги в лезгинском языке
Лезги чIала гафар гьежайриз пай хьунин асул къайдаяр ибур я:
- Кьве ачух сесинин арада авай са ачух тушир сес гуьгъуьнлай къвезвай гьежайдик акатда: а-ку, а-нар, а-та-на.
- Ачух сесерин арада кьве ачух туширди аватIа, абурукай сад вилик квай, муькуьди гуьгъуьнал алай гьежайдик акатда: ах-па, гьат-на, жез-ва.
- Ачухбурун арада пуд ачух тушир сес аватIа, абурукай кьвед вилик квай гьежайдик, пуд лагьайди гуьгъуьнлай къвезвай гьежайдик акатда: дуст-вал, гьалт-на, уь-зенг-ди.
Тарс 10. Лабиал сесер
Бязи ачух тушир сесер лугьудайла, пIузарар жизви кIватI хьана, вилик экъис жеда. Абуруз лабиал сесер лугьуда. Кхьинра абур, в гьарф акал хъувуна, кьвед ва я пуд лишандалди къалурда. Месела: хва, кIвал, тIвал, къвал ва мсб.
Тарс 9. Й гьарф
Й-ди йиф, чайдан, майдан гафара тайин тир сес къалурзаватIа, хъиляй, кIваляй, фидай, гудай гафара чпелай вилик ачух ссер яргъалди чIугуна акъудун лазим тирди къалурзава.