Лабиал сесер квай гафар са цIарцIяй маса цIарцIиз акъуддайла, лабиалвал къалурзавай «в» гьарф вич галай ачух тушир гьарфаривай чара авуна виже къведач.
Месела: Рух-ваяр жедач, ру-хваяр хьана кIанда.
Накь-вар жедач, на-кьвар хьана кIанда.
1-тапшуругъ. Агъадихъ галай гафар са цIарцIяй маса цIарцIиз акъуддай къайдада (дефисдалди) гьежайриз пайна кхьихь.
Гъвелер, кварар, ахварар, цуькверай. тIеквендай, экверай, мукьвалай.
2-тапшуругъ. Кхьихь. Лабиал сесер квай гафар гьежайриз чара ая.
Шагьнабат
Агакьзавач гьуьлуьв ам,
Паласайриз гьахьзава.
Агъзур жуьре няметар
Гузвай чиле квахьзава.
ВацIар ава дуьньяда…
Садбур гзаф деригда,
Амма гъвечIи жуван вацI
Заз гьамиша ширинда.
Мегьамед Агьа
3-тапшуругъ. Михьидиказ кхьихь. Лабиал сесер квай гафар дефисдалди гьейжайриз чара ая.
Ватан багъ я. бахча я,
Аялар цуьквер адан.
Ватан вилин нини я
Аялар адан эквер.
4-тапшуругъ. Агъадихъ галай гафарикай жуьмлеяр туькIуьра. Жуьмлеяр кхьихь. Лабиал сесер квай гафар, кьатI цIийи цIарцIиз акъудун патал, гьежайриз чара ая.
- Тамун, къекъвезвай, къветер, кул-кусра.
- ХъуьтIуьз, ксуда, куквар.
- Аялар, цуьквер, уьмуьрдин, чи, я.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru