Тарс 12. Гафунин кьатI са цIарцIяй маса цIарцIиз акъудун

Гафунин кьатI са цIарцIяй маса цIарцIиз гьежайралди акъудда.

Месела: Ва-тан, Му-рад, бу-ба, чу-ба-рак.

Са гьарф я цIарцIе туна виже къведач, я цIийи цIарцIиз акъудиз жедач. Са цIарцIяй муькуь цIарцIиз икI акъудна кIанда.

Месела: акIур-на, акъат-на, хали-яр, Ами-нат.

Сад-садан патав сад хьтин кьве гьарф кхьидай гафар гьежайриз кьве гьарфунин арадилай пайда.

Месела: гуьл-ле, сел-лер, чуьл-лер.

Юкьва ь авай гафар цIийи цIарцIиз акъуддайла, а гьарф вилик квай гьежайдихъ тада.

Месела: боль-ница, аль-бом.

1-тапшуругъ. Кхьихь.

Чаз чи уьл-кве гзаф кIан-да. Чун чи Ва-тан-диз гьа-ми-ша ва-фа-лу же-да.

2-тапшуругъ. КIела. Парталрин тIварар тир гафар, гьежайриз пайна, кхьихь.

Экуьнахъ ахварай аватайла, Рагьман гьамиша вичин затIарихъ къекъвез жеда. Адан са гуьлуьт стулдал, шалвар месин патав, перем шкафдин кIаник жеда. Парталрихъ къекъвез, Рагьман къени мектебдиз геж хьана.

3-тапшуругъ. Гафар са цIарцIяй маса цIарцIиз акъудун патал гьежайриз пая. Са цIарцIяй маса цIарцIиз акъудиз тежедай гафар кхьихь. Абур вучиз акъудиз жедач?

Аквада, Али, иервал, илим, буба, акъудун, кIелун, башламишун, уьзенг, абур, аялар, къугъунар, вацIар, ими, стха.

4-тапшуругъ. Агъадихъ ганвай гафар са цIарцIяй маса цIарцIиз акъуддайвал гьежайриз пай ая.

Касса, баркалла, амма, келле, эллер, акьуллу, коллектив, гадди, кьуьдди.

 

Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.