Гафуна са гьежа амайбурулай гужлуз акъатуниз вургъу лугьуда.
Месела: мекте́б, дафта́р, улу́бар.
Лезги чIала вургъу кьвед лагьай гьежадал аватда.
Месела: су-вар, бал-кIан.
1-тапшуругъ. КIела. Тарарин тIварар элифбадин къайдада кхьихь. А гафарал вургъудин лишанар эциг.
Тама
— Вели, вун тамуз фенани?
— Эхь.
— Чи тама гьи тарар ава?
— Чи тама къавахдин (тополь), гъулцин (липа), мегъуьн (дуб), гъверши (клён), шамагъаждин (сосна), пипин (бук) тарар ава.
2-тапшуругъ. КIела. ТуькIуьр хьанвай гьарфар квай гафар, вургъу эцигиз, кхьихь. Им вуч ятIа, лагь!
Гъилер квачиз кIвалахда,
Мез авачиз лугьуда:
Мус ксана кIандатIа,
Мус къарагъна кIандатIа,
Мус кIвалахдив эгечIна,
Мус куьтягьна кIандатIа.
3-тапшуругъ. Гафар кIела. Элифбадин къайдада эцигна вургъу эцигиз кхьихь.
Магазин, устIар, чанта, чуьнгуьр, булах, ник, керки, дергес, хуьр, кIвал, диде, кьуьд, элифба, гъил.
4-тапшуругъ. Шиир кIела. Гафарал вургъудин лишан эцигиз кхьихь.
Пилте-пилте жив къвазва
Ацукьзава къаварал.
Гьич са гъедни аквазмач,
Цифер ала цаварал.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru