Е, ю, я гьарфари кьве сес къалурда.
1-тапшуругъ. КIела. Е, ю. я гьарфар квай гафар кхьихь.
Экскурсия
Алахьай зулун югъ тир. Аялар Эсед муаллимдихъ галаз тамуз экскурсиядиз фенвай. Там экв аватна акъвазнавай. Тарарин пешер жуьреба-жуьреба рангар экъичайбур хьиз аквадай. Ажеб гуьзел аквадачни зулуз там!
2-тапшуругъ. КIела. Ю гьарф квай гафар жагъуриз, абур кIел хъия.
Юнусни Аюб юлдашар я. Пакамахъ абур школадиз фида. Югъ нисини хьайила, Юнусни Аюб кIвализ хкведа. Фу тIуьна, чай хъвана, юлдашар къугъваз гьаятдиз экъечIда. Юкьварар кьун гадайрин рикI алай къугъун я.
3-тапшуругъ. КIела. Я гьарф квай гафар кхьихь. Я гьарфунин кIаникай цIар чIугу.
Аялар гьаятда къугъвазва. Гадаяр некьияр гъиз тамуз фена. Нянихъ вири кIвалериз хъфена.
4-тапшуругъ. КIела. Кхьихь. Е, ю, я гьарфар квай гафарин кIаникай цIар чIугу. МискIалрин жавабар лагъ.
Имуча-муча, муч халича:
Югъди-йифди са кикел алайди?
Яру яц ацукьна, чIулав яц къарагъна?
Етим Эмин чи рикI алай шаир я.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru