Лезги чIала гафар гьежайриз пай хьунин асул къайдаяр ибур я:
- Кьве ачух сесинин арада авай са ачух тушир сес гуьгъуьнлай къвезвай гьежайдик акатда: а-ку, а-нар, а-та-на.
- Ачух сесерин арада кьве ачух туширди аватIа, абурукай сад вилик квай, муькуьди гуьгъуьнал алай гьежайдик акатда: ах-па, гьат-на, жез-ва.
- Ачухбурун арада пуд ачух тушир сес аватIа, абурукай кьвед вилик квай гьежайдик, пуд лагьайди гуьгъуьнлай къвезвай гьежайдик акатда: дуст-вал, гьалт-на, уь-зенг-ди.
1-тапшуругъ. Гафар гьежайралди кIела.
Гьуьзел, Али. Иса, Салман, Пакизат, Надир, Султан, Аслан, ФатIима, Фарида, Асият, Муъминат, Гьаким.
2-тапшуругъ. КIела, гьар са гафуна шумуд гьежа аватIа лагь.
Къуй гьамиша рагъ хьурай,
Кьилел михьи цав хьурай,
Азиз диде сагъ хьурай.
Зунни галаз шад хьурай.
3-тапшуругъ. Гафар гежайриз пайиз кхьихь.
Жанавур, сикIер, чакъал, гьайван, къуьрер, кицIер, север, аслан, балкIан.
4-тапшуругъ. Гьикая кIела . ЧIулав кхьенвай гафар гьежайриз пайиз кхьихь.
Сад лагьай жив
Гьа и мукьвара сад лагьай жив къванвай. Гьавадихъай живедин ни къвезвай. Чил, накьвар, тарар, багълар — вири хъуьтуьл жив тир.
!
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru