Тарс 15. Вуж? Вуч? Суалриз жаваб гудай гафар

 

 Инсандикай хабар кьадайла вуж? суал гуда.

 Месела: Муса, юлдаш, руш.

 Амай вири затIарикай хабар кьадайла вуч? суал гуда.

 Месела: туп, майва, партал.


1-тапшуругъ. Агъадихъ галай гафар кIела. Абурал суалар эциг. Кхьихь.

Диде, буба, лётчик, стха, халу, эме, ими, гада, руш, итим, нехирбан, баде, гъуьрчехъан, устIар, космонавт.

2-тапшуругъ. КIела. Вуж? суалдиз жаваб гузвай гафар кхьихь.

Югъ атана ацалтна ван,

Къугъвазва чи гьаятда,

Али, Вели, Керим, Къурбан,

Акъваз тийиз, са къатда.

***

Вичин баде хьанайтIа сагъ,

Ильяс цавук хкIадай.

Адан кIуфал къугъвадай рагъ,

Дуьнья шаддиз аквадай.

Ш. Тагьиров

3-тапшуругъ.  КIела. Сифте вуж? суалдиз жаваб гудай, ахпа вуч? суалджиз жаваб гудай гафар кхьихь.

(Вуж?) Буба, …

(Вуч?) Ктаб, …

      Къе  Магьмуд хайи югъ я. Адан патав пишкешар гваз мукьвабур ва дустар атана. Буба ктаб гваз, вах — ягълух, стха кIута гваз атана. Мадинади адаз нини, Сунади дафтар, Агьмеда туп гана.

4-тапшуругъ. КIела. Вуж? Вуч? суалриз жаваб гузвай гафар кьилди-кьилди кхьихь.

    Мислимат, шалам, Седеф, муаллим, пIинияр, машмашар, некьияр, калер, дагълар, саларбан, куьче, кIвалер, Селминаз, багълар, лампа, маша, Суна.

5-тапшуругъ. Шиир кIела ва кхьихь. Ахъайнавай гьарфар кухтаз кхьихь. А гафарал суалар эциг.

Р…шни г…да, в…хни с…ха

Къуьн-къуьневаз ацукьнава.

Муал…имри чаз алемдин

Вири сирер ачухзава.

Ка…улвални тем…елвал

Авай туш и син…фда.

Ш.-Э. Мурадов

   Жаваб (тапшуругъ 5) у, а, а, т, л, гь, п, и.

   Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru

 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.