Бязи ачух тушир сесер лугьудайла, пIузарар жизви кIватI хьана, вилик экъис жеда. Абуруз лабиал сесер лугьуда. Кхьинра абур, в гьарф акал хъувуна, кьвед ва я пуд лишандалди къалурда. Месела: хва, кIвал, тIвал, къвал ва мсб.
1-тапшуругъ. КIела. МискIалрин жавабар лагь. Лабиал сесер квай гафарин кIаникай цIар чIугу.
1. Инсан туш — къекъведа,
Гьайван туш — чIугвада,
Жунгав туш — бугь яда,
Къармахрив чил къазунда,
Техилар цаз куьмек гуда.
2. Епини яд хъваз, дана дакIваз.
з. Я кIвачер квач, я гъилер — вичи рада тIарам мукъвер.
2-тапшуругъ. Лабиал сесер квачир гафарин къаншарда лабиал сес гафар кхьихь.
| Тар — твар | къал — ………. | кар — …….. |
| ген — ……….. | гъел — ………. | къаз — ……. |
| кал — ……….. | кьал — ………. | гъар — …….. |
3-тапшуругъ. Агъадихъ галай гафар чешнедиз килигна дегишара, ахпа кхьихь.
| Лекъвер — легъв | цеквер — цегв |
| регъвер — ……….. | эквер — ………. |
| мегъвер — ……….. | леквер — ………. |
| накьвар — ……….. | тIехвер — ………. |
| якIвар — ………… | тIеквер — ………. |
4-тапшуругъ. КIела, лабиал сесер квай гафар кхьихь.
Хъсан рухваяр
Хьана кьван, хьанач кьван са дидени кьве хва. Дидедиз вичин рухваяр гзаф кIандай, вучиз лагьайтIа абур акьуллу балаяр тир.
Рухвайриз чпин дидени гзаф кIандай. Я дидеди рухвайрин, я рухвайри дидедин хатур хадачир.
Кьведани, хъсандиз кIелиз ва чпивай жедай кIвалахар ийиз, дидедин рикI шадзавай.
!!
Буквосочетания гв, къв, зв, кв, кьв, кьв, кIв, св, тв, тIв, содержащие в своем комплексе в, обозначают лабиализованные звуки и их следует читать (произносить) с округленными и вытянутыми губами: звал «кипение», квал «чесотка». Произношение после з и к в этих словах губно-зубного в, характерного для русского языка, сильно искажает звуковой облик лезгинских слов.
Лабиализация в лезгинском языке имеет смыслоразличительное значение: кьвал ‘круча’, но кьал ‘прутик’; къван ‘камень’, но къан ‘кровная месть’; накьв ‘земля’, но накь ‘вчера’; тIвал ‘палка’, но тIал ‘боль’, ‘болезнь; хъвач ‘уходи’, но хъач ‘трава’; квал ‘зуд’, но кал ‘корова’; къвал ‘бок’, но къал ‘ссора’, ‘скандал’ и др.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru