Къадим гелер жагъанва
Тарихдин чешмейра дегь чIавара Гьиндистанда ва Китайда яшамиш хьайи лезгийрикайни са кьадар делилар ава. А уьлквейра лезгийрихъ шегьерар ва хуьрер авай.
И мукьвара Китайдин археологриз жагъанвай аламатдин затIуни тарихдин делилар мад гъилера субутна. Китайдин кефердинни рагъакIидай пата авай къумлухрикай садан дериндай и уьлкведин ва Франциядин археологриз ина 2 агъзур йис идалай вилик яшамиш хьайи къафкъазвийрин мумияр жагъанва. Абур са гъвечIи шегьерда яшамиш жезвай. Эгъуьнай чкадикай жагъай шейэри шагьидвалзавайвал, саки 2 агъузур йис идалай вилик къумлух чкада дегь девиррин къафкъазвийрин тайифа яшамиш жезвай. Абуру гъайванар хуьзвай, чилер дигизвай, хъицикьрикай цванвай пекер алукIзавай ва кIарасдин къаб-къажахрикай менфят къачузвай.
