Шиир. Самур кьатIна. Лезги Нямет

Акьур чка юкьвалай
АтIудай хьиз гапурди,
Са Лезги чил — зи Ватан
Кьве паднава Самурди.

Ислягьвилин аямда
Тун тавуна чиле къал,
Булдозерар, машинар
Элквенва зи Самурдал.

Ятар кьатIна муькъверив
Ракьари гъил гъиле кьаз.
Ятар кьатIна рекьерив
Накьвари гъил гъиле кьаз…
Эл ахварай авуддай,
И пад, а пад агуддай
Муькъер, рекьер хуш я заз.

Лезги Нямет

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.