Ирид йис я, ирид йис
Къуншидаллай Алиман.
Ирид йис я, ирид йис
Зи стхадин, Кериман.
Фад къарагъиз пакамахъ,
Фида абур тарсуниз.
Низ кIан жедач и кIвалах?
КIан жеда гьар дустуниз.
Яру «вадар» къалуриз,
Дамах аку чпив гвай!
Гьар келима чIагуриз,
Гьайбат аку мецив гвай!
Агь, ирид йис, ирид йис!
Зи ирид йис мус жеда?!
Зи рикI алай ирид йис,
Мус вакай заз дуст жеда?!
Шаир — Шамсудин Тагьиров
ЧIугухъан — Рут Морхед