Шиир. КьатIунар авай кац. Шагьбала Шагьбалаев. Детский стих на лезгинском языке

Пакам кьиляй къарагъна,

Чуьхуьзва за чин,

Захъ галаз — чи кацини

Пацалди вичин.

***

«А», «Бе», «Ве», «Ге» … кIел ийиз,

Букварь гвазва зав,

Чи кацини захъ галаз

Сес илигна: «Мяъ!»

***

Фикирна хьиз, бубади

Лагьана заз: — Хва,

Валай хъсан кьатIунар

Чи кацихъ ава.

***

— ГьикI? — лагьана сабурсуз

Хабар кьуна за:

— Ваз чизватIа, «А»-ни «Бе»,

Кациз чизва «Я»!

***

Къалурна заз буквардай

Эхиримжи гьарф.

— Зун килигна дакIардай,

Амачир захъ гаф.

 Шагьбала Шагьбалаев

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.