Кьуд пад вири къацу тамар —
ЭкIягъайд хьиз чичIед гамар.
Хъуьрезва куьн, течиз къамар,
Чан чи дагълар, чан чи дагълар.
***
Кьилел лацу чалма алаз,
Чар булахар кьисмет аваз,
Хурар — мехмер, кIамар — атIлас,
Чан чи дагълар, чан чи дагълар.
***
Гатфар чIавуз живер цIраз,
Тик жеда куь рагар алмас,
Гьар хъуьтIуьзни хуш я куьн заз,
Чан чи дагълар, чан чи дагълар.
***
Цифер твамир куьне чина,
Къам тахьурай садран чина.
Жаферан кьил, куь кьилер хьиз,
КIан жемир квез рехи хьана,
Чан чи дагълар, чан чи дагълар.
Ж. Жаферов