Тапшуругъ: Метаграммайриз жавабар жагъура ва кхьихь.
ЦI галайла, за крчарив яда куьн.
М галайла, закай хъсан жеда тIуьн.
ЧI галайла, жеда зун инсанрин кьула.
Р галайла – гьар са шофёрдин гъута.
***
В галайла, зун чуьллера жедайд я.
Хиперини мал- къаради недайд я.
Р галайла, зай машинар къекъведа.
Къ галайла вацIун патав жедайд я.
***
Тар жерид туш зун гьич алачир.
Инасан авач зун гьич авачир.
Ш галайла, жеда зун исан.
Г галайла кIвачерик виридан.
***
Юзун кутаз тарарикни тамарик,
Вилиз такваз, къекъведа зун чуьллера,
Г гьарф Ч-дал дегишайтIа эгер,
КIелиз-кхьиз жеда зун инсанрин гъилера.
***
С гьарф эцигайла сифтедай,
Жеда закай вагьши гьайван.
Р-далди дегишарайтIа С.
Зун авачир жеч гьич са инсан.
Бегов Б. Б., Юзбеков А. Н., Тагиров А. А .
Лезги чIал: 3 синиф.-Магьачкъала,1995.-268 с.