Тарс 2. Лезги чIалан элифба.Урок 2. Лезгинский алфавит

      Вири гьарфариз  санлай элифба лугьуда.

      Лезги элифбада 45 гьарф ава. Абурукай 11 ачухбур, 33 ачух туширбур. Ь гьарфуни са сесни къалурдач.

      Гьар са гьарфуниз вичин чка ва тIвар ава.

    Ачух тушир б, в, г, гъ, гь, д, ж, з, п, пI, т, тI, ц, цI, ч, чI  гьарфарин тIварар абурухъ э гьарф акална арадиз къведа: бэ, вэ, гэ, гъэ, гьэ, дэ, жэ, зэ,пэ, пIэ, тэ, тIэ, цэ, цIэ, чэ, чIэ.

    Ачух тушир к, къ, кь, кI, х, хъ, хь, ш, щ  гьарфарин тIварар абурухъ а гьарф акална арадиз къведа: ка, къа, кьа, кIа, ха, хъа, хьа, ша, ща.

    Ачух тушир л, м, н, р, с, ф  гьарфарин тIварар абурулай вилик э эцигна арадиз къведа: эль, эм, эн, эр, эс, эф.

Лезги чIалан элифба ва гьарфарин тIварар

Гьарф

Сес

Гьарф

Сес

Гьарф

Сес

А а

а

Кь кь

кьа

Х х

ха

Б б

бэ

КI кI

кIа

Хъ хъ

хъа

В  в

вэ

Л л

эль

Хь хь

хьа

Г г

гэ

М м

эм

Ц ц

цэ

Гяъ гъ

гъэ

Н н

эн

ЦI цI

цIэ

Гь Гь

гьэ

О о

о

Ч ч

чэ

Д д

дэ

П п

пэ

ЧI чI

чIэ

Е е

е

ПI пI

пIэ

Ш ш

ша

Ё ё

ё

Р р

эр

Щ щ

ща

Ж ж

жэ

С с

эс

Ъ

КIеви лишан

З з

зэ

Т т

тэ

Ы ы

ы

И и

и

ТI тI

тIэ

Ь

Хъуьтуьл лишан

Й й

й

У у

у

Э э

э

К к

ка

Уь уь

уь

Ю ю

ю

Къ къ

къа

Ф ф

эф

Я я

я

1-тапшуругъ. Агьадихъ ганвай тIварар кIела. Абур элифбадин къайдада кхьихь.

Рамазан, Гьажи, Али, Мурад, Сабир, Сулейман, Иса, Гьасан, Фетягь, Саид, Байрам, Шамсудин, Мурсал, Камал, Абдул, Якьуб, Семед, Забит, Къази.

2-тапшуругъ. Гафар элифбадин къайдада кхьихь, ахпа кIела.

Кал, гьер, цIегь, хеб, кIел, дана, яц, дуьгве, балкIан, жунгав, тай, шив, лам, деве, бацIи, гамиш.

3-тапшуругъ. И фамилийрикай элифбадин къайдада кхьихь.

Азизов, Агьмедов, Абдуллаев, Айвазов, Агъаев, Ахундов, Ашуров, Алиев, Алмасов, Аскеров, Адилов.

4-тапшуругъ. Элифба хуралай чира.

 

Если у кого-то возникли вопросы по данному уроку или пожелания, пишите в комментарии или на e-mail lezgikids@ya.ru

Тарс 2. Лезги чIалан элифба.Урок 2. Лезгинский алфавит: 1 комментарий

  1. Здравствуйте!В стихотворении «Некни фу» не лучше ли заменить турецкого происхождения «айран» на лезгинское «тугъ»?Спасибо!

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.