Бес я ахвар, авур йифиз,
Пакама я, къарагъ виниз.
Чан хва, мектебдиз вач кIелиз,
Вакай са инсан жеривал.
***
Къарагънамаз сегьер-сегьер,
Къачу жуван ктаб, тефтер[1] .
Гайи тарсар ая эзбер,
Муаллимдиз кIан жеривал.
***
Са юкъузни къвазмир кIвале,
Илим чирун яхъ на хиве,
Гьинал гьатайтIани кIеве,
Ачух са майдан жеривал.
***
Илим ахьтин затI я ширин,
Мад ваз за вуч тариф ийин,
Фикир ва гьам акьул дерин
Са багъри умман[2] жеривал.
Х. Тагьир
[1]тефтер — дафтар
[2]багъри умман — еке гьуьл