Гатун марф! Гатун марф!
Дуьз яни зун гатун, марф?
Аквазвачни далуда
Тек са перем авайди,
Гичиндавай цуьк хьтин
Рушни къуьнел алайди?
***
Гатун марф! Гатун марф!
Дуьз яни чун гатун, марф?
Гьикьван вуна гатайтIани,
Зи Анжелка киснава,
Белки ада, белки ада
Вун дуст тирди гьисснава.
Ири-ири стIалар
Физва рушан хъуькъверилай,
Ни лугьуда, гуьрчег туш
Зи руш вири цуькверилай?
А. Саидов