Экуьн кьиляй билбиларни багъларай,
Шад манийрив рахаз жеда гатфариз.
ТIебиатни уях хьана ахварай,
Чан алайди хьиз аквада гатфариз.
Экуьн кьиляй гьарайда фад кIекери,
Ракъинихъди элкъуьрдачин цуьквери.
Чи жегьилрин манийрин хуш сесери,
Ашкъидин шад руьгь кутада гатфариз.
Гьуьлуь хьтин лепеяр гуз къацари,
Цив ац1ана, ван къачуда вацIари.
Кьибледихъай дурнайрини къазари.
Кефер патахъ мад лув гуда гатфариз.
Сажидин Саидгасанов