______________________________________________________________
Гафунин дегиш жедай паюниз эхир лугьуда: гада-ди, гада-диз, гафара -ди, -диз гафунин эхирар я. Эхирар жуьмледа гафар сад-садахъ галаз алакъалу хьун патал ишлемишда.
Гафунин эхир лишандалди къалурда.
Гафунин эхир галудайла амукьдай паюниз диб лугьуда: гада гафунин диб я. Гафунин диб лишандалди къалурда.
__________________________________________________________________________________________
1-тапшуругъ. КIела. Хуьр гаф гьикI дегиш жезватIа, лагь.
Заз чи Киркарин хуьр гзаф кIанда. Чи хуьре мектебдин цIийи дараматар эцигнава. Чи хуьруьн инсанри гьакъисагъвилелди зегьмет чIугвазвай. Виликдай чи хуьруьхъ еке багълар, гегьенш никIер ава. За чи хуьрел, хуьруьвийрал ва хуьруьн уьруьшрал дамахзава.
2-тапшуругъ. КIела. Жуьмлера ганвай перемена ва аялар лугьдай гафарин эхирар къалура.
Переменадиз гьар са синифдин аялар анжах чпи кIелзавай этажда хьун лазим я. Переменадиз аялри чпи къалурнавай вахтунда тIуьн неда. Переменада аялриз секиндиз къекъведай ва явашдиз ихтилатар ийидай ихтияр ава.
3-тапшуругъ. Точкаяр алай чкайрал лазим эхирар эцигиз, кхьихь.
Ктаб кIелайла, чирвал артух жеда. Ктаб… инсан акьуллу йийда. Ктаб… чарар ва жилдер михьиз хвена кIанда. Ктаб… къуллугъ ая!
4-тапшуругъ. КIела. Библиотека гафунин диб ва эхир чара ая.
Чи мектебдиз чIехи библиотека ава . Библиотекадиз чун гьар юкъуз физва. Библиотекадай чна ктабар къачузва. Вацра кьве сеферда чна библиотекардиз куьмекар гузва. Библиотекада чна куьгьне ктабар сагъар хъийизва.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru .