Тарс 3. ТуькIуьр хьанвай гьарфар

   Чеб кьве лишандикай ибарат, амма чпи са сес къалурдай гьарфариз туькIуьр хьанвай гьарфар лугьуда.

Лезги чIала 12 туькIуьр хьанвай гьарф ава:

гъ, гь, къ, кь, кI, пI, тI, хъ, хь, уь, цI, чI.

1-тапшуругъ. КIела. Михьидаказ кхьихь. Хъуьтуьл лишандин куьмекдалди арадиз атанвай гьарфарин кIаникай цIар чIугу.

Бахтавар я гьарма сад

Уьлкве азад, эл азад,

Битмиш хьанвай гьар са затI

Чуьлдин иервал вуча?

И бахтавар чуьлдавай

Элдин иервал вуча!

Х. Тагьир

2-тапшуругъ. КIела. Кхьихь, кIеви лишандин куьмекдалди арадиз атанвай гьарфарин кIаникай цIар чIугу.

    Шегьерда гьяркьуь, михьи куьчеяр, кьакьан гуьрчег кIвалер, чIехи магазинар ава. Куьчейрин къерехра къацу тарар экъечIзава.  Магазинра хъсан ктабар, чIулав, хъипи, къацу, вили карандашар ава.

3-тапшуругъ. КIела, кхьихь, туькIуьр хьанвай гьарфарин кIаникай цIар чIугу.

   Гуьлпери, гуьлуьтар, бапIах, валчагъ, экуь, къаяр, кьакьан, цIалцIам, хъалхъам, къекъуьн, тIунутI, чIал, кхьинар, гьазур, рехъ, дагълар.

4-тапшуругъ. КIела ва туькIуьр хьанвай гьарф кхьихь.

   Къизилдин кIусар хьтин гъетери вили цава рекIврекIар гузвай. Гзаф секин тир. Аялар спутник гуьзлемишиз акъвазнавай. Гьа и чIавуз нур гузвай гъвечIи варз йигиндиз физвайди виридаз акуна. (А. Ражабов)

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.