Европадин лап куьлуь гьукуматрик Андорра, Монако, Ватикан ва Сан-Марино акатзава.
Андорра Франциядинни Испаниядин арада, рагъ- экъечIдай патан Пиренейда авай князлух я. Адан чилер 468 квадраткилометр я.
Андоррадин гьукуматдин чIал каталан чIал я. Ина фран- цуз ва испан чIаларикайни менфят къачузва. Сифтегьан мектебра тарсар каталан, француз ва испан чIаларал гузва.
И гьукуматдин меркез тир Андорра-ла-Велья Европадин виридалайни кьакьан шегьер я. Ам гьуьлуьвай 1029 метрдин кьакьанвиле ава. Гьукуматди туризмдалди вичин кьил хуьзва.
Монако Лигури гьуьлуьн къерехда ава. Им лап куьлуь гьукумат я. Адан чилер 2,02 квадраткилометр я. Эхиримжи 20 йисан къене гьуьл кьулухъ хьунухьди Монакодин чилер 40 гектардин чIехи хьанва.
Ватикан дуьньядин виридалайни гъвечIи гьукумат я. Рим шегьердин къене анклав хьиз авай ам вичин музейралди, Мукъаддас Петран имаратдалди сейли я. ГьакIни Ватикандихъ дуьньяда тай авачир ктабхана ава. И гьукуматдихъ аэропорт авач, анжах вертолёт ацукьдай са чка ава.
Сан-Марино Европадин виридалай- ни къадим гьукумат я. Адан чилер 60,57 квадраткилометр я. Сан-Марино Кьибле- патан Европада, Монте-Титано тIвар алай дагъларин цIиргъинин кьибле – рагъакIидай хушдал экIя хьанва. Им вичихъ са акьванни мумкинвилер авачир гьукумат я.
«Самурдин мектеб» | 12(283) 2014 | «Самур»
