Гьикая. Таму гузвай хийир. Детский рассказ о пользе леса на лезгинском языке

     Таму инсандиз гзаф хийир гузва.

     Таму эцигунрин кIвалахар патал гъварар, къулар гузва.

     Гъварарин куьмекдалди ракьун рекьер, шахтаяр, кIвалер ва маса дараматар туькуьрзава.

     КIарасдикай кIвалин мебел, челегар, фанердин къулар, ящикар, спичкадин кьалар ва кьватияр, карандашар, къелемар ва гзаф маса затIар туькIуьрзава.

     Куьне кхьинар ийизвай чарарни, кIелзавай ктабарни кIарасдикай гьазурзавайбур я. КIарас кун паталди ишлетмишзава.

     Таму инсандиз къарникъузар, тамун майваяр, гьайванрин ва къушарин як гузва. Тамун гьайванрин хамарикай чими пекер цвазва. Тамара экъвечIзавай гзаф кьадар векьерикай жуьреба-жуьре дарманар гьазурзава.

    Тамари никIер кьурагьвиликай хуьда. Тамун гьавадик руг ла тимил жеда. Инсанрин сагъламвал патал тамун гьава гзаф хийирлуди я. Гьавиляй тамун юкьвара инсанриз ял ядай ва сагъардай кIвалер эцигзава.

 Саадиев Ш. М., Агьмедов Я.Ш., Гуьлмегьамедов А. Г.

«Дидед чIал», 2 синиф, Баку — 1996

Тапшуругъ:

  1. Тамукай авай хийирдикай суьгьбет ая.
  2. Куь чкадин тамар чира. Ана гьихьтин гьайванар яшамиш жезва?

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.