Зи кьил ястухдалла, вилерни рекье,
Вун паталди зи чан кузва, эй ватан,
Гъурбатда гьижрандин¹ хер хьанва рикIе,
Зи вилерай иви физва, эй ватан.
Ватан авачирди амансуз жеда,
Хажалат чIугуна, имансуз² жеда,
Жерягь жагьин тийиз, дармансуз жеда.
Зи дердинин дарман вун я, эй ватан.
Мазали Алидиз кIанда шадвал, хъвер,
Намерддин, хаиндин акъатрай вилер.
Ажалди ина зи туьд кьуртIа эгер,
Зи рикIин эрзиман³ вун я, эй ватан.
Мазали Али
- Гьижран — дерт, хажалат.
- Иман — инанмишвал; дин
- Эрзиман — рикIин эвелимжи мурад