Шиир «Сентябрдин сад». Шаир Абдул Фетягь

Сентябрдин сад я къе —

Тарсарин эвел,

Аялрин цIиргъ мектебдин

Гьатнава рекье.

***

Физва кIвачер кьезилдиз —

Гьунар ятIа куьн?

Лампаяр хьиз, хиялар

Авазва куькIуьз.

***

Пешерини тарарал

Язава къе зенг,

ГъвечIи рикIе тамамдиз

Туна дуьнья генг.

***

ГъвечIи рикIи ялзава

Илимдин гьуьлуьз,

Вичиз камар къачуна

КIанзавай куьлуьз.

***

Гьавиляй и дуьньядиз

АтанватIа зул,

Мураддикай гьар садан

Ийизвай агъзур?

***

Гьавиляй зи ватандин

Ачух ятIа бахт,

Багъишнавай инсандиз

Лув экъечIдай вахт?!

Абдул Фетягь

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.