Лацу яргъан галчукна,
Ахваралла чи чуьллер.
Къалин партал алукIна,
Аквада ваз чи эллер.
***
Тарар, тамар сефил я,
НуькIер шаддиз къугъвазмач.
Ракъинин экв серин я,
Багъда билбил рахазмач.
***
Зун гьамиша тарсарай
Агакьзава хъсандиз.
Авахьдайвал кьамарай,
Фида гила майдандиз.
***
Партал къалин, кефи саз,
Мекьекай низ хабар я?
Ша, аялар, фи къугъваз,
ВикIегь жедай йикъар я.
Ш. — Э. Мурадов