Гьардаз вичин чка ава
Дагълар гьуьлуьв агуд жени?
Заз сифте чIал чирай, диде
Вун рикIелай алуд жени?
***
Къе алемдиз хьурай аян
Вун за рикI я, вун я зи чан.
Вуна лагьай лай-ландин ван
Лагь, рикIивай галуд жени?
***
Гур ялавра кайитIани,
Женгера зун кьейитIани,
Дуьнья са пад хьайитIани,
Вун зи гъиляй къакъуд жени?
***
КьепIин кIане фена йифер,
Хьана лацу жив хьиз кифер.
Эй балаяр, дидед кефер
Хана, рикIяй акъуд жени?
Мейведдин Жабраилов