Тарс 2. Гафара ачух сесерин дуьзгуьнвал (3 синиф)

3sinif

 

1-тапшуругъ. Агъадихъ ганвай гафар, гзафвилин кьадарда эцигна, кхьихь.

Багъ (ичин), багъ (лампадин), рагъ, вак, ракь, макь, гъвел, тIветI, сал, мал, векь, рехъ, сам, гъуд, гар, стол, кIам, там, гъед.    

_________________________________________________________
       Са слогдин гафар падежриз ва кьадарриз дегиш жедайла, абурухъ акал жезвай эхирринни дибдин сесер сад хьтинбур хьуниз дуьзгуьн хьун (чеб-чпив кьун) лугьуда.
Месела, гъил — гъили, чIал — чIала, кал — кала, сал — сала ва мсб.
_________________________________________________________

2-тапшуругъ. Шиирдай существительнияр жагъуриз, абур теквилин кьадарда эцигиз, кхьихь.

Марфар къвазва тIвалар-тIвалар.
Рекьер-хуьлер михьи жезва.
Живеяр хьиз цIиргъинавай
Чубарукриз хвеши жезва.

Заз акI жезва: гарар галаз,
СтIал алаз цавар шезва.
Шуршурзавай тарар-тамар.
КIунтIар-кIамар михьи жезва.

(С. Хидиров)

3-тапшуругъ. Агъадихъ ганвай существительнияр актив падежда эцигиз, кхьихь.

Пехъ, верч, кIек, варз, къуьр, кьел, мел, пел, гел, сев, сикI, лекь, кIинтI.

4-тапшуругъ. Агъадихъ ганвай гафарин гзафвилин кьадардин эхирар чара авуна, кхьихь.

Асланар, балугъар, верчер, газарар, гьерер, жумар, ичер, крчар, кьифер, къазар, кIекер, ламар, маралар, нинеяр, пайдахар, пIмнияр, рипер, тарар, типIер, ученикар, филер, цIегьер, чIижер, шарар, уьрдегар, хьелер.

Тарс 2. Гафара ачух сесерин дуьзгуьнвал (3 синиф): 2 комментария

  1. Агьмедуллагь – чи алимдин кIвалахар,
    Чи чIалакай къаст я авун булахар.
    Ахьтинбуруз, чан аламаз, суьгьбетар
    Ваъ, эцигун чарасуз я гуьмбетар.
    Гьа кар себеб лугьузва за АФЕРИН!

    1. Аялрин сайтдин жегьил кIелчийриз

      Сидагет куьн экв я акур вилериз,
      Жафа тир гьал, авачиртIа амни чахъ.
      Минетзава жегьил лезги эллериз,
      Адакай квез кьвед лугьудай диде яхъ!

      Лезгияр жен къадим бине чIал авай,
      Чебни арха авай дагъдин лекьерин.
      Къуба пата магьрум лезги чIалавай,
      Ам чирагъ я дуьз къалурдай рекьерин.

      Сагърай чи вах, еке крар гъилевай!
      Гьам акьуллу, гьам алакьун, гуьзел тир.
      Гьар са хъсан кар-кIвалахдин кьилевай,
      Чандилайни кIани ксар – чи эл тир!

      Сажидинни бахтлу я а вах авай.
      Седагетар, Музаферар мад жеда!
      Лезги халкьдин, гьар са карда гьахъ авай,
      Эллеминда баркалладин ад жеда!!!

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.