1-тапшуругъ. Са дувулдин гафар чара-чараз кхьихь.
Атун, тефин, фин, хтун, хъфин, татун, акун, бахтлу, такун, бедбахтвал, бахтлувал, бахтавар, бахтикъара, фидайла, акурла.
_______________________________________________________________________
Гафунин дувулдилай вилик жедай, вичи цIийи гафар арадиз гъидай дибдин маналу паюниз префикс лугьуда.
Месела: атун — татун, хабар — бейхабар, мерд — намерд, фин — тефин.
Префикс 
лишандалди къалурда. Префикс гафунин дувулдихъ галкIурна кхьида.
_______________________________________________________________________
2-тапшуругъ. Жуьмлейра чIулавдиз кхьенвай гафарихъ галай префиксар жагъура.
- Ваз течир кар авач.
- Зун секин хъхьана, муькуь кIвалин ракIарай килигна.
- Вилер, авайдалайни агат хьана, чухурдиз хъфенвай.
- Зун чеб авай кIвализ текъведайди адаз чизвай.
- Заз акуна, квез такурай.
3-тапшуругъ. Агъадихъ галай гафар кваз жуьмлеяр туькIуьра. Префиксар лазим тир лишанралди чара ая.
Хтун, тагун, хъфин, тагъун, течир.
4-тапшуругъ. Гафарихъ бей-, бед-, т-, туь-, та-, те- префиксар акална, цIийи гафар туькIуьрна, кхьихь.
Гьал, бахт, тIуьн, кеф, атун, кар, гун, фин, акун.
5-тапшуругъ. Хъ— ва х- префиксрин куьмекдалди агъадихъ ганвай гафарикай маса мана квай гафар туькIуьра, ахпа абур кваз жуьмлеяр туькIуьрна, кхьихь.
Лагь- ……………….. Гун- ………………… Фин- ………………….
Цун- ………………… Авун- ……………….. Вегьин- ………………
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru .