___________________________________________________________________________
Дувулдилай кьулухъ къвезвай паюни гафуник цIийи мана кутада.
Месела: нехир — нехирбан, тIурар — тIурарган.
И гафара -бан ва -ган суффиксар я.
Лезги чIала гзаф ишлемишдай суффиксар: -бан, -суз, -лу, -ган, -чи, -хъан я.
Месела: дана — данарбан, кеф — кефсуз, гьуьрмет — гьурметлу, хуру — хуруган, араба — арабачи, гъуьрч — гъуьрчехъан.
_______________________________________________________________________________
1-тапшуругъ. КIела, -лу ва -суз суффиксар квай гафар жагъура.
Регьимлу итим. Къайгъусуз кас. Бахтлу уьмуьр. Девлетлу ватан. Гьуьмертлу аял. Берекатлу гад.
2-тапшуругъ. Гафара суффиксар къалура. Абуру гафарик кьихьтин мана кутазватIа, лагь.
Хуруган, гъуьрчехъан, чаплахъан, зуьрнечи, къелечи, игитвал, акьуллу, такIанвал, рамагбан, куьмекчи, манасуз, фурсухъан.
__________________________________________________________________________________
Гафунин дувулдилай кьулухъай къведай, вичи цIийи гафа арадал гъидай дибдин маналу паюниз суффикс лугьуда.
Месела: итим — итимвал, араба — арабачи.
Суффикс 
лишандалди къалурда.
____________________________________________________________________________________
3-тапшуругъ. Кхьихь. Гафарик квай суффиксар дефисдалди чара ая.
Чешне: Гъалиб-вал.
Саларбан, гумрагьвал, нехирбан, дерзичи, амалдарвал, меслятчи, дуьзвал, кьецIек, дуствал, манасуз, бицIек, хъуьцуьган.
4-тапшуругъ. Агъадихъ ганвай суффиксрин куьмкдалди арадиз атанвай гаар дафтарриз акъуд (гьар суффиксдин кьилиз 4-5 гаф).
- -хъан, -бан, -ган;
- -лу, -суз;
- -чи, -вал;
- -ек, -ви.
______________________________________________________________________
Суффикс гьамиша гафунин дувулдихъ галкIурна кхьида.
_______________________________________________________________________
5-тапшуругъ. Суффиксрин кIаникай цIар чIугваз, кхьихь.
1. Вирибуруз Мурад халу гьуьмертлу я. 2. Чубанрин викIегьвал, лигимвал, къуватлувал акурла, чун тажуб хьана амукьна. 3. Кьуьзуь гъуьрчехъан дередиз эвичIна. 4. Тамухъанди тамал гуьзчивал ийизва. 5. Акьуллу инсанди садрани абурсуз кIвалах ийидач. 6. Михьивал чарасуз кIвалах я. 7. Чекмечиди чекмеяр цвазва.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru .