______________________________________________________________
Са гафунин дибдикай сад ва я са шумуд гаф туькIуьриз жеда.
Месела: мекь гафуникай мекьи, мекьивал, мекьила гафар туькIуьра хьанва. Са гафунин дибдикай туькIуьр хьанвай гафариз мукьва гафар лугьуда.
________________________________________________________________
1-тапшуругъ. Агъадихъ галай гафар, мукьвавилиз килигна, кIватIалриз пайна, кхьихь.
Менфят, меслят, залан, дуьз,менфятлу, меслятвал, заланарун, дуьзвал, менфятлувал, меслятвилелди, заланвал, дуьзвилелди, менфятлувилелди, меслятдалди, заландаказ, дуьздиз, менфятсуз, меслятсуз, заландиз, дуьздаказ, менфятсуздаказ, меслятун, заланз, менфятсузвилелди, меслятсузвилелди, менфятсузвал, меслятсуздаказ.
2-тапшуругъ. Мукьва гафар сад-садан кIаник жедайвал кхьихь.
Яргъи, мичIи, чирвал, кеф, яргъивал, течир, мичIиз, чиркин, кефсуз, яргъец, чирхчир, кефер, мичIивал, яргъеба, чидай, кефчиди, чиркинвал.
____________________________________________________________________
Мукьва гафарин арадай абурук виридак квай уртах пай чара ийиз жеда.
Мукьва гафарин уртах паюниз дувул лугьуда.
Дувул 
лишандалди къалурда.
____________________________________________________________________
3-тапшуругъ. Кхьихь, гафарин дувулар къалура.
Кьур, кьуру, кьурай, кьурун, кьурурун; кIанз, кIандай, кIанивал, кIанибур, кIандач, кIанивилелди; экъечIун, экъечIай, экъечI.
4-тапшуругъ. Месалар кIела, са дувулдин гафар кхьихь.
КIелайдан вилер экуь, кIел тавурдан вилер буьркуь жеда.
Гьуьрмет авай чкада берекатни жеда.
Гьуьрметдиз гьуьрмет ая.
Итимдин гаф сад жеда.
Итимдиз гаф лугьун бес я.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru .