Тарс 21. ЗатIарин лишан къалурдай гафар

     ЗатIарин лишанар къалурдай гафари «гьихьтин?» ва «гьи?» суалриз жаваб гуда: Гьихьтин кIвал? — Экуь, чIехи, гуьрчег кIвал. Гьи стха? — Хъсан, чIехи, гъвечIи стха.

 ЗатIарин лишанар ибур я: ранг, дад, кIалуб.

1-тапшуругъ.  Шикилриз килиг. «Гьихьтин?» суалдиз жаваб гузвай гафар кхьихь.

2-тапшуругъ.  НукьтIаяр алай чкайрал «гьихьтин?» суалдиз жаваб гудай гафар эхцигиз, дафтарда кхьихь.

…………….. цав, …………….. вацI, ……………. дуст, …………………., памбаг, …………………. цIивин, …………….. йиф, ………………… тар, …………… кIвал, …………… уьлкве, ……………… кагъаз, ……………… перем, ……………. гада, ………………. чай, ………….. яд, ……………… къван.

Кухтадай гафар: вили, дерин, хъсан, хъуьтуьл, чIулав, яргъи, кьакьан, чIехи, яргъа, лацу, михьи, викIегь, ширин, къайи, кIеви.

3-тапшуругъ. КIела. Ранг, дад, кIалуб къалурзавай гафар дафтарда кхьихь.

Лацу живер цIрана, Чилер чIулав хьана. Дар куьчейрай ятар физвай. Ятари куьлуь къванерни тухузва.

4-тапшуругъ. Агъадихъ галай гафарикай гьар садаз къаншар мана авай гаф хкягъа. Абурал суалар эциг. Гафар жуьт-жуьт кхьихь.

Жегьил — …………………., дерин — ………………, ужуз — …………….., гужлу — ………………, пашман — ……………., мичIи -………….., чими — ………….., яргъи — ……………., лацу — ……………, гьяркьуь — ……………… .

Чешне: жегьил — кьуьзуь.

Хкягъун патал гафар: гуьтIуь, чIулав, куьруь, мекьи, экуь, шад, зайиф, даяз, багьа, куьзуь.

5-тапшуругъ. Кхьихь. «Вуч?» суалдиз жаваб гузвай гафарин кIаникай дуьз цIар. «Гьихьтин?» суалдиз жаваб гузвай гафарин кIаникай къекъвей цIар чIугу.

Лацу жив, чIулав цIивин.

Чими гад, мекьи кьуьд.

Ширин хали, туькьуьл чIухлумпI.

КIеви ракь, хъуьтуьл памбаг.

        Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru

Тарс 21. ЗатIарин лишан къалурдай гафар: 2 комментария

    1. Здравствуйте! Спасибо вам за посещение нашего сайта, к большому сожалению на данный момент наши технические возможности не позволяют нам заниматься в этом направление. ИншааЛЛах будем развиваться!

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.