Существительнийриз кьве кьадар ава: теквилин ва гзафвилин. Анжах са затIуникай рахадайла, существительнияр теквилин кьадарда ишлемишда: ник, ктаб, вацI, дана.
Кьвед ва гьадалай гзаф затIарикай рахадайла, существительнияр гзафвилин кьадарда ишлемишда: никIер, ктабар, вацIар, данаяр.
_________________________________________________________
1-тапшуругъ. КIела, гафар гьикI дегиш жезватI, лагь.
| Теквилин кьадар | Гзафвилин кьадар | Теквилин кьадар | Гзафвилин кьадар |
| ктаб | ктабар | гъед | гъетер |
| класс | классар | циф | цифер |
| машин | машинар | гада | гадаяр |
| къуш | къушар | рабочий | рабочияр |
| цуьк | цуьквер | уьтуь | уьтуьяр |
| кIел | кIелер | стха | стхаяр |
| нек | некIер | фири | фирияр |
2-тапшуругъ. Гафара ахъайнавай гьарфар эхциг. Ахпа абур гзафвилин кьадарда эцигиз, кхьихь.
Кагъ…з, шик…л, кук…пI, к…л, л…ф, къв…д, б…хт, сенг…р, г…да, иш…гъ, к…ка, в…хт.
3-тапшуругъ. Агъадихъ ганвай гафар кваз жуьмлеяр туькIуьра.
Гьуьлер, алерар, пепеяр, цIегьер, къапар, верчер.
4-тапшуругъ. Кхьихь. Гзафвилин кьадарда авай существительнийрин кIаникай цIар чIугу.
|
Акъатна гарар, ЦIрана живер, Къвезва час гатфар, Гваз хъипи цуьквер. |
Рекьева хквез
Кьибледай нуькIер. Теклифзава квез Эцигиз кIвалер. |
|
Гьазур я эллер, Чуьлдиз экъечIиз, Къакъажна гъилер, Кардив эгечIиз. (Р Юсуфов) |
|