Гунагьар. Грехи в Исламе на лезгинском языке

 

ЧIехи гунагьар ирид я:

  1. гьахъ авачиз итим кьин. Им виридалайни чIехи гунагь я;
  2. чIуру рекье хьун;
  3. угъривал авун;
  4. жуваз тийижиз, чарадаз чIуру рекье авайди лугьун;
  5. рехъ атIун;
  6. хъун;
  7. капI терг авун.

  И чIехи гунагьар хьиз я гъвечIи гунагьар авунни.

Инсандин рикIин къене авай писвилер гзаф я. Абурукай рикI михьи авунин рекьер яргъи я, амма за ваз вири писвилерин кьилер тир пуд затIуникай хабар гуда: пехилвал, рийъа, гьужиб! Пехилвал ваз чарадан ниъмет девлет алатна, ам баладик акатна кIан хьун я. Рийъа на ийидай гьар са хъсанвал вун халкьариз акун паталди авун я. Гьужиб жуваз жув гзаф чIехиз акуна, чарад алчахдиз акун я.

Герек я гьар са касди мумкин тир кьван гьерекатун гунагьрикай яргъа жез, амма гунагь хьайитIа, важиб я туба авун.

Туба авуниз шартIар ава:

  1. вичи авур гунагьдал пашман хьун;
  2. и гьалда вичик квай гунагьар терг авун;
  3. туба авурдалай гуьгъуьниз акI тавуниз къаст авун я.

Са касди туба авурдалай гвяниз мад гунагь авуртIа, адан эвелан туба чIур жедач, амма герек я мад и гунагьдикайни цIийиз туба авун.

Къазанфар бегдин жуздай.

Рамалданов А.Р. «Лезги чIал»

 2-синиф, Махачкала, 2002,-332с

 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.