КIелзава за михьи ктаб – Къуръан дуст,
Адан гьар са аят якъут, гевгьер я.
Заз къалай – къуз жезва масан , дуст,
Нани кIела Ам! – им зи рикIин эвер я.
***
Къуръан экв я, атанвай чаз цаварилай,
Хазина тир чирвилерин, камалдин.
Рази я зун адан вири гафарилай,
Мад гьикI лугьуй Сад Аллагьдин лукIра?!
***
Кьиблеламади хьиз рехъ къалурзава Къуръанди,
КIеве гьатай, мичIе гьатай инсандиз.
***
Къенивал — хуьз, ада писвал негьзава,
Зи йикъай михьи бустан – багъзава.
Аятри, къвез, зи бейнида мугзава,
Гьавиляй, дуст, зун кIвачелла, сагъзава.
***
Жегьеннемдиз фида ам инкар авурди,
Гьатда даим адан беден цIаяра.
Пак Ктабдиз гьуьрмет, икрам ийирди,
Виневайда хутахда, дуст, цаварал.
***
Къуръан кIелиз, азан лугьуз датIана,
Аллагь кIан хьун битмиш жезва зи чанда.
Ам галачиз – сагъвилин сим атIана,
Акурай ваз гьатна зи чан гуранда.
***
Къуш жезва зун, Халикьдин тIвар мецеллаз,
Гъедни жезва, чIулаввилин кьил хадай.
Къуръандин тай я цавал, я чилеллач,
Вакайни, дуст, динчи хьухь зи гъил кьадай!
Индира Шагьбанова