_______________________________________________________________________
Дувулдин юкьва жедай ва вичи гафарик цIийи мана кутадай -Х- паюниз инфикс лугьуда.
Месела: алудун — ахлудун, акун — ахкун, мерд — намерд, фин — тефин.
_______________________________________________________________________
1-тапшуругъ. Агъадихъ ганвай гафарик инфикс кухтаз кхьихь.
АцIун, атIун, алукIун, алатун, авадарун, экъечIун, акун, эцигун.
_______________________________________________________________________
Инфиксди гафарин манайрик жуьреба-жуьре лишанар кутада. Гзаф дуьшуьшра ада сдра кьиле фейи гьерекат мад тикрар хъувурди къалурда.
Месела: атIун — ахтIун, къачун — къахчун. (Дидеди парчадикай са зул атIана. Дидеди атIай парчадикай вахани ахтIана. Ваха са килограмм къенфетар къачуна. Абур Самураз бегенмиш хьана акурди, са-кьве килограмм мад къахчуна).
_______________________________________________________________________
2-тапшуругъ. Гафарай инфикс жагъура ва ам чара авуна, кхьихь.
Гахлатун, гахлудун, ахкъатун, ахкьалтун, ахвадарун, эхлисун, ахкъудун, къахрагъун, къахкъудун.
3-тапшуругъ. Инфикс квай гафарин кIаникай цIар чIугваз, кхьихь.
1. Севрез вич жанавурдихъ ахгакь тийидайди чир хьайила, ам акъвазна. 2. Хузайинди абуруз къвезвай мажибни ахтIун мумкин я. 3. Зи къунши Замираз авай кIвалерин винел мад са кIвалер эхцигиз кIанзава. 4. Вун пака ахлад. 5. Къад йисалай абур чеб-чпиз ахкуна.
Если у кого-то возникнут вопросы по данному уроку или пожелания, пишите в комментарии или на e-mail lezgikids@ya.ru .