Са сеферда дуьшуьш хьана къуьрни лам,
Къуьре адаз лагьана: Стха, салам!
Вун, къуй мадни гумрагьди хьуй, зурба хьуй!
Вун тамарин, чи чуьллерин буба хьуй.
Жанавурар, асланар ви икрамдиз
Къвез, хъфирай, тешпигь яз хважамжамдиз.
***
Чи къуьрерин жинсини цуьк ачухрай,
Ви гужуни чи машгьурвал артухрай!
Кефи къумбар хьанвай михьиз чапраса
Ламран хуруз вегьиз хьана тапасар…
Лам, лам я кьван, адай нин кьил акъатна?
Къуьрен тапас галукьайла, ам катна.