гатфар — Лезги аялрин сайт — Лезгинский сайт для детей! https://lezgikids.com Обучающий сайт для детей на лезгинском языке Tue, 01 Apr 2014 08:26:37 +0000 ru-RU hourly 1 https://wordpress.org/?v=6.0 Шиир «Гатфариз». Шаир Сажидин Саидгасанов https://lezgikids.com/shiirar-stihi/shiir-gatfariz-shair-sazhidin-saidgasanov.htm https://lezgikids.com/shiirar-stihi/shiir-gatfariz-shair-sazhidin-saidgasanov.htm#respond Mon, 31 Mar 2014 08:15:41 +0000 http://lezgikids.com/?p=5529 Читать далее «Шиир «Гатфариз». Шаир Сажидин Саидгасанов»]]> podsnegniki

Экуьн кьиляй билбиларни багъларай,
Шад манийрив рахаз жеда гатфариз.
ТIебиатни уях хьана ахварай,
Чан алайди хьиз аквада гатфариз. 

Экуьн кьиляй гьарайда фад кIекери,
Ракъинихъди элкъуьрдачин цуьквери.
Чи жегьилрин манийрин хуш сесери,
Ашкъидин шад руьгь кутада гатфариз.

Гьуьлуь хьтин лепеяр гуз къацари,
Цив ац1ана, ван къачуда вацIари.
Кьибледихъай дурнайрини къазари.
Кефер патахъ мад лув гуда гатфариз.

Сажидин Саидгасанов

]]> https://lezgikids.com/shiirar-stihi/shiir-gatfariz-shair-sazhidin-saidgasanov.htm/feed 0 Шиир «Гатфар, гад, зул, кьуьд». Шаир Сажидин Саидгасанов https://lezgikids.com/shiirar-stihi/shiir-gatfar-gad-zul-kud-shair-sazhidin-saidgasanov.htm https://lezgikids.com/shiirar-stihi/shiir-gatfar-gad-zul-kud-shair-sazhidin-saidgasanov.htm#comments Fri, 28 Feb 2014 05:47:40 +0000 http://lezgikids.com/?p=5457 Читать далее «Шиир «Гатфар, гад, зул, кьуьд». Шаир Сажидин Саидгасанов»]]> picture

Гатфар – руш я дамахар гвай!
Гатфар – свас я кІвалахар гвай!
Гатфар – кал я булахар гвай!
Гатфар – вирт я мумлахар квай! 

Гад – гада я гьерекат квай!
Гад – къайда я берекат квай!
Гад – са вахт я мярекат гвай!
Гад – са бахт я лап къуват квай!

Зул – са вахт я къизил-гимиш!
Зул – са вахт я майва – емиш!
Зул – са вахт я марфар дуьзмиш!
Зул – са вахт я цифер къизмиш!

ХъуьтІуьн вахт я – живерин тахт!
ХъуьтІуьн вахт я – северин бахт!
ХъуьтІуьн вахт я – ял ядай вахт!
ХъуьтІуьн вахт я – живерин бахт!

Сажидин Саидгасанов

]]> https://lezgikids.com/shiirar-stihi/shiir-gatfar-gad-zul-kud-shair-sazhidin-saidgasanov.htm/feed 1 Шиир. Гатфар йикъар атана чаз. Шиир Д. Абдуллаев. Стих о весне на лезгинском языке https://lezgikids.com/shiirar-stihi/shiir-gatfar-jikar-atana-chaz-shiir-d-abdullaev-stix-o-vesne-na-lezginskom-yazyke.htm https://lezgikids.com/shiirar-stihi/shiir-gatfar-jikar-atana-chaz-shiir-d-abdullaev-stix-o-vesne-na-lezginskom-yazyke.htm#respond Sun, 14 Apr 2013 05:24:43 +0000 http://lezgikids.com/?p=4745

Векьер-кьалар экъечIиз,
Гатфар йикъар атана.
Багъ-бустандив эгечIиз,
Эл ашкъидив ацIана.    

Живер цIраз, бул ятар
Дагъларай къвез авахьна,
Гегьенш хьана чи вацIар,
КIамар-хулер акахьна.

Акъвазна тарар иер,
Къацу либас алукьна.
Мани лугьуз шад нуькIер
Къавун пипIел ацукьна.

Дагъни дере чи масан
ИкI гатфарив ацIанва.
Зегьмет чIугвар инсанри
Гуьзел йикъар атанва.

Д. Абдуллаев

]]> https://lezgikids.com/shiirar-stihi/shiir-gatfar-jikar-atana-chaz-shiir-d-abdullaev-stix-o-vesne-na-lezginskom-yazyke.htm/feed 0 Шиир Гатфар. Шаир Х. Хаметова. Стих о весне на лезгинском языке https://lezgikids.com/shiirar-stihi/shiir-gatfar-shair-x-xametova-stix-o-vesne-na-lezginskom-yazyke.htm https://lezgikids.com/shiirar-stihi/shiir-gatfar-shair-x-xametova-stix-o-vesne-na-lezginskom-yazyke.htm#respond Fri, 01 Mar 2013 22:32:07 +0000 http://lezgikids.com/?p=4661 gatfar

Мартдин вацра тIебиатда

Жеда къалин гьуьжетар.

Кьуьдни гатфар кIеве гьатда,

Чара ийиз сергьятар.

***

Кьуьд алахъда живедик таз

Тарар, тамар датIана.

Уьмуьрдин къаз гуда чилиз

Гатфарини атана.

***

Дагъви руш, ви уьмуьрдани

Дегишвал тур вахт я им.

Къужахда яхъ цуькверин кIунчI,

Кьулухъ жемир, ваз я им.

Х. Хаметова

]]> https://lezgikids.com/shiirar-stihi/shiir-gatfar-shair-x-xametova-stix-o-vesne-na-lezginskom-yazyke.htm/feed 0 Шиир. Дуьньяда гатфар. Ш.Тагьиров. Детский стих о весне на лезгинском языке https://lezgikids.com/shiirar-stihi/shiir-dunyada-gatfar-sh-tagirov-detskij-stix-o-vesne-na-lezginskom-yazyke.htm https://lezgikids.com/shiirar-stihi/shiir-dunyada-gatfar-sh-tagirov-detskij-stix-o-vesne-na-lezginskom-yazyke.htm#respond Sat, 31 Mar 2012 04:52:26 +0000 http://lezgikids.com/?p=2638

Гатфар хьанва дуьньяда,

Пагь, ахьтин гатфар!

Цаву ванер ийизва,

Къвазва бул марфар.

***

Кьуд пад цуьк я, къацу я,

Фидач нин темягь?!

Чун паталди гьамиша

Дуьнья хьуй ислягь!

***

Чаз герек туш пашманвал,

Шадвал герек я.

Чилин винел гьамиша

Садвал герек я.

 Ш. Тагьиров

]]> https://lezgikids.com/shiirar-stihi/shiir-dunyada-gatfar-sh-tagirov-detskij-stix-o-vesne-na-lezginskom-yazyke.htm/feed 0 Шиир. Гатфар. Х. Тагьир. Стих о весне на лезгинском языке https://lezgikids.com/shiirar-stihi/shiir-gatfar-x-tagir-stix-o-vesne-na-lezginskom-yazyke.htm https://lezgikids.com/shiirar-stihi/shiir-gatfar-x-tagir-stix-o-vesne-na-lezginskom-yazyke.htm#comments Tue, 06 Mar 2012 00:24:24 +0000 http://lezgikids.com/?p=2007 Читать далее «Шиир. Гатфар. Х. Тагьир. Стих о весне на лезгинском языке»]]>

Чара хьана кьуьд чакай,

Къерех жеда гатфариз.

Чан алай кьван гьар са затI

Уях жеда гатфариз.

***

Мукьвал-мукьвал иридиз,

Марфар къвада кIевидаз.

Зегьметчийриз виридаз

КIвалах жеда гатфариз.

***

 

Рагъ къакъатиз цифедкай,

Хипер тух жед векьедкай,

Мал хвейибурун некIедкай

Булах жеда гатфариз.

***

Гьида хъсан кIвалахда,

Мал артухиз алахъда,

Гьелбет, адан чанахда

Къаймах жеда гатфариз.

Х. Тагьир

]]> https://lezgikids.com/shiirar-stihi/shiir-gatfar-x-tagir-stix-o-vesne-na-lezginskom-yazyke.htm/feed 1 Гьикая. Гатфарин къушар. Весенние птицы. Рассказ на лезгинском языке https://lezgikids.com/stories/gikaya-gatfarni-kushar-vesna-i-pticy-rasskaz-na-lezginskom-yazyke.htm https://lezgikids.com/stories/gikaya-gatfarni-kushar-vesna-i-pticy-rasskaz-na-lezginskom-yazyke.htm#respond Sat, 03 Mar 2012 06:42:13 +0000 http://lezgikids.com/?p=1896 Читать далее «Гьикая. Гатфарин къушар. Весенние птицы. Рассказ на лезгинском языке»]]> !

      Къушари гатфар алукьун гьикI къаршиламишдатIа, чидани квез? Дурнайри уьленра кьуьлер ийида. Сифте абуру, кIватI хьана, элкъвей гьалкъа хьтинди туькIуьрда. Ахпа дамахдивди кьве дурна юкьвал экъечIда ва кьуьлер ийиз башламишда.

         Вагьши къушари къугъунарни кьуьлер гьавада ийида. Картар лап циферив кьван цавуз экъечIда ва гьана къугъвада: гагь, лувар кIватIна, къван хьиз виняй агъуз къведа, гагь, лувар юзуриз, гьавада элкъведа.

         Пакамахъ фад ва нянихъ тама гьикьван гуьзел жеда! Тамун агьалийри вирида манияр лугьуда ва макьамар яда.

         Билбилри чпин манийрик ван кутада. Кьурай хилерал кIекIейри далдамар яда. ЧIижери, ж-ж-ж къачуна, чпин кIвалах башламишда. Хъипери, къвя-къвя къачуна, гьарайда.

 

Рамалданов А.Р. «Лезги чIал»

 2-синиф, Махачкала, 2002,-332с

Гафар ва ибараяр: къаршиламишун — встречать; дурна — журавль; кьуьлер авун — танцевать; гьалкъа — петля, узел; дамах — гордость;  гьава — воздух; картар — соколы; агьали — житель; макьамар — напевы, мотивы, мелодии; билбил — соловей; кIекIе — дятел; чIижер — пчёлы; хъипер — лягушки.  

Суалар:

  1. Дурнади, катра, билбилри, кIекIеди гатфар алуьун гьикI къаршиламишда?
  2. ЧIижери, хъипери вуч ийида?
  3. Тамун агьалийри гатфар гьикI къаршиламишдатIа, ихтилат ая.
]]> https://lezgikids.com/stories/gikaya-gatfarni-kushar-vesna-i-pticy-rasskaz-na-lezginskom-yazyke.htm/feed 0 Шиир. Гатфариз. А. МутIалибов. Стих о весне на лезгинском языке https://lezgikids.com/shiirar-stihi/shiir-gatfariz-a-mutialibov-stix-o-vesne-na-lezginskom-yazyke.htm https://lezgikids.com/shiirar-stihi/shiir-gatfariz-a-mutialibov-stix-o-vesne-na-lezginskom-yazyke.htm#respond Thu, 01 Mar 2012 05:08:26 +0000 http://lezgikids.com/?p=1832 Читать далее «Шиир. Гатфариз. А. МутIалибов. Стих о весне на лезгинском языке»]]>

Сифте гатфар алукьай варз,

Чил рехи жез аквада ваз.

Дагъдай лацу живер цIраз,

Авахьда ятар гатфариз.

***

ЧIулав цифер тунгъал-тунгъал

КIватI жез кьакьан дагъдин кукIвал,

Цавар рахаз мукьвал-мукьвал,

Къвада бул марфар гатфариз.

***

Къачу михьи гьавадкай дад,

Пакамахъ вун къарагъа фад.

Вири инсанар жеда шад,

Ийиз дамахар гатфариз.

***

МетIяй физ векь хьана битмиш,

КIвач эцигиз къведач къимиш,

Цуькверивди жеда дуьзмиш

Гегьенш яйлахар гатфариз.

А. МутIалибов

]]> https://lezgikids.com/shiirar-stihi/shiir-gatfariz-a-mutialibov-stix-o-vesne-na-lezginskom-yazyke.htm/feed 0