шиир — Лезги аялрин сайт — Лезгинский сайт для детей!

Шиир «Кьуьд». Шаир Шагь-Эмир Мурадов.

admin — Sat, 16 Dec 2017 14:56:49 +0000

Шиир “ЧIигъичIигъ”. Шаир Седакъет Керимова. Детский стих на лезгинском языке

admin — Wed, 29 Jul 2015 09:08:47 +0000

Шиир “Хьран фу”. Шаир Седакъет Керимова. Детский стих на лезгинском языке

admin — Mon, 20 Apr 2015 06:42:10 +0000

Седакъет Керимовади галаз шиир “Хьран фу” чирзава.

Учим стих “Хлеб” вместе с Седагет Керимовой.

«Хьран фу»

Чи хьра рагъ хъуьрезва,
Фарал элкъвез, кьуразва.
Дадлуди я ам пара,
Чранва мад са хара.
Аваз хьурай хъвез чина.
Ша, тухдалди нен чна.

Шиир “Чубарук”. Шаир Седакъет Керимова. Детский стих на лезгинском языке

admin — Mon, 17 Nov 2014 07:02:46 +0000

Седакъет Керимовади галаз шиир “Чубарук” чирзава.

Учим стих “Ласточка” вместе с Седагет Керимовой.

«Чубарук»

Кваз такьуна чуьлни рук,
Хуьруьз къведа чубарук.
Гьар са кIвалин чIередик,
Мани лугьуз: «чик-чирик».

Шиир «Школадиз вач!». Шаир Зарема Агьмедпашаева

admin — Sat, 08 Nov 2014 18:02:41 +0000

Зарема Агьмедпашаева,
3-класс, «Ортастальская СОШ»

ШКОЛАДИЗ ВАЧ!

Аялдиз «вад» атаначтIа,
«Вад» тахсирлу туш.
Вуна багъдиз яд ганачтIа,
Яд тахсирлу туш.

Ктабдихъай жемир яргъаз,
Ам чи гуьзгуь я.
Тарсар хъсан чизватIа ваз,
Зун лап рази я.

Акьул маса гуз, къачудай
Базарар авач.
Вун ваз лап дуьз акьул гудай
Школадиз вач!

2014 г.

Стих «Спасибо Всевышний!» для детей

admin — Sat, 18 Oct 2014 00:01:26 +0000

Спасибо Тебе, Аллах Всевышний,
За то, что есть моя семья,
За то, что есть мои родные,
За то, что есть на свете я. За то, что сытый, не голодный,
За то, что есть мне что носить,
За то, что сердцем не холодный,
За то, что я могу любить.

За то, что в силах видеть, слышать,
За то, что речь есть на устах,
За то, что могу просто мыслить,
За то, что радость есть в глазах.

За все, Аллах, Тебе спасибо,
За все Тебя благодарю.
Ведь жить на свете так красиво,
Я с радостью живу, люблю.

Шиир “ЦуцIул”. Шаир Седакъет Керимова. Детский стих на лезгинском языке

admin — Thu, 16 Oct 2014 00:01:36 +0000

Седакъет Керимовади галаз шиир “ЦуцIул” чирзава.

Учим стих “ЦуцIул” (“Белка”) вместе с Седагет Керимовой.

ЦуцIул

Хилерилай хилерал,
Гъилерилай гъилерал,
Гагь цава, гагь чилерал,
Хкадариз ава ам.

Тапацривди шуьмягъ кьаз,
Сараривди хъирепI хаз,
Къугъваз кьуру цIамарив,
Чукваз йигин камарив.

Гьатайла гъуьрч арада,
Фад муказ ялда ада.
Дегишдач гьич вичин тIул,
Хъсанди я хупI цуцIул.

Шиир “Имуча-муча”. Шаир Седакъет Керимова. Детский стих на лезгинском языке

admin — Mon, 15 Sep 2014 18:35:55 +0000

Седакъет Керимовади галаз шиир “Имуча-муча” чирзава.

Учим стих “Имуча-муча” («Загадка») вместе с Седагет Керимовой.

Имуча-муча

Сувун хиве кьве нуьхнуьх,
Къугъвазвай чуьнуьх-чуьнуьх.
Гагь къализ, гагь хъуьрезвай,
Лап аялрин жуьрезвай.

Гагь гьахьзавай чIурара
Гагь гьатзавай фурара.
Рекьерилай катзавай,
Гуьнейрикай кватзавай.

Хам юзазвай рапIар хьиз,
Элкъведайла кIапIар хьиз.
Авай абур луьх-луьхиз,
Вуч лугьуда нуьнуьхриз?

Шиир “Аку”. Шаир Седакъет Керимова. Детский стих на лезгинском языке

admin — Sun, 31 Aug 2014 16:59:02 +0000

Седакъет Керимовади галаз шиир “Аку” чирзава.

Учим стих “Аку” вместе с Седагет Керимовой.

Аку

Жедач бегьем хуьз вилив,
Дамах аку гвай чилив.
ЧIугунвайд хьиз лап гъилив,
Дагъдал живед гьуьл аку.

ХупI кьуьлзава картари,
Кьил элкъуьрда рагари.
Гьейран ийиз рангари,
Дагъдин синел чуьл аку.

Халича хьиз рагъ акьур,
Цуькведава кьакьан хур.
Яру, вили, лацубур…
Пагь, ава кьван гуьл аку.

Шиир “Дустар”. Шаир Седакъет Керимова. Детский стих на лезгинском языке

admin — Mon, 07 Jul 2014 19:30:15 +0000

Седакъет Керимовади галаз шиир “Дустар” чирзава.

Учим стих “Дустар” (“Друзья”) вместе с Седагет Керимовой.

Дустар

ЦицIибни къиб дуст хьанва.
Ихьтин дуьшуьш мус хьанва?
Къиб атайла «къибкъибиз»
ЦицIиб жезва «цибцибиз».

Хвеши жезва цицIибдиз
Вичив къиб рахай чIавуз.
КIула кьуна хъипре ам,
Яргъариз тухвай чIавуз.

ЦицIибди лув гайила,
Хъипре хкадарзава.
Векьин юкьва сада сад
Жагъуриз квадарзава.

Ван алаз цицIибни къиб
Къугъвазва кьве бицIек хьиз.
Садни рикIел аламач,
Дуст жагъанва цицIибдиз.