Ч у б а р у к:
Гьамиша рагъ хьайитІа,
Гьинай къведа чаз марфар?
Пис тушир, дуст, хьайитІа,
Зулни, кьуьдни, гад, гатфар!

Н у ь кІ:
КичІе я заз гарарикай,
КІвалер кІаняй акъуддай.
КичІе я заз харарикай,
РикІерив дерт агуддай!

К е р е к у л:
Заз хуш затІ туш селлерни,
Зиян гудай муькъвериз;
Къавар гатаз кІвалерин,
Кьар кІватІалдай рекьериз.

Б и л б и л:
Марфни кІанда, рагъни заз,
Герек чІавуз бес кьадар.
КІанда цуьквер, багъни заз,
Жуван ширин сес кьадар!

Р у ш:
ТІебиатдин гьар са вахт,
РикІиз хуш я зи, валлагь!
Гьар са кІвалах, бахта-бахт,
Дуьз туькІуьн чи, иншаллагь!