Шиир “Дустар”. Шаир Седакъет Керимова. Детский стих на лезгинском языке

Седакъет Керимовади галаз шиир “Дустар” чирзава.

Учим стих “Дустар” (“Друзья”) вместе с Седагет Керимовой.

dustar

Дустар

ЦицIибни къиб дуст хьанва.
Ихьтин дуьшуьш мус хьанва?
Къиб атайла  “къибкъибиз”
ЦицIиб жезва “цибцибиз”.

Хвеши жезва цицIибдиз
Вичив къиб рахай чIавуз.
КIула кьуна хъипре ам,
Яргъариз тухвай чIавуз.

ЦицIибди лув гайила,
Хъипре хкадарзава.
Векьин юкьва сада сад
Жагъуриз квадарзава.

Ван алаз цицIибни къиб
Къугъвазва кьве бицIек хьиз.
Садни рикIел аламач,
Дуст жагъанва цицIибдиз.

Шиир “Марф”. Шаир Седакъет Керимова. Детский стих на лезгинском языке

Седакъет Керимовади галаз шиир “Марф” чирзава.

Учим стих “Марф” (“Дождь”) вместе с Седагет Керимовой.
сканирование0018                 

          Марф

Къвана цавай, къвана марф,
Къвана, сивяй чикIиз каф.
И саягъда лагьана
Цаву чилиз рикIин гаф.

Салариз физ яд хьана,
Бегьерризди дад гъана.
Къвана-къвана, куьлуь марф,
Хъвана-хъвана, чили марф.