Гьикая «Юлдашар». Детский рассказ на лезгинском языке

      Каминат азарлу хьана. Адан кIвач ханвай. Стхаяр мектебдиз фена. ГъвечIи вах Къизилгуьл ксанвай. Дидеди кIвалин кIвалахар ийизвай. Каминат дарих тир. Садлагьана рак гатай ван атана. КIвализ гадаяр ва рушар атана. Абур Каминатахъ галаз са синифда кIелзавай адан юлдашар тир. Каминат гзаф шад хьана. Юлдашри адахъ галаз суьгьбетар авуна, адаз тарсар чириз куьмекар гана. Адалай кьулухъ юлдашар адан патав гьар юкъуз къвез хьана.

Гьикая “Дуьз лугун хъсан я”. Рассказ на лезгинском языке для детей

duz lugun

Камил кIвале къугъвазвай. Адавай хатадай бади хана. КIвале касни авачир. Гада гзаф фикирлу хьана, и арада кIвализ буба хтана.

– Бади ни хана? – хабар кьуна ада.

    Камила, кичIез-кичIез вичивай хана, лагьана.

– Баркалла, – лагьана бубади. – Дуьз лугьун хъсан кар я. Таб авун пис кар я.

Закиев И.Н., Курбанова Ф.Т. “Лезги чIал”
2-синиф, Баку, 2006,-112с

 

Гьикая “Медалар алай кицI”. Мегьамед Агьа

    Са сеферда Магьмуд бубади Балаш Дербент шегьердиз тухвана.

   ЧIехи бубади хтулдиз Лезги театр, Нарын къеле, «Юждаг» университет, ракьун рекьин вокзал ва маса гуьзел дараматар, туьквенар къалурна.

 kaspii  Ахпа абур ял ягъиз Каспий гьуьлел фена. Галат хьанвай буба дезгедал ацукьна. Балаша сифте яз аквазвай гьуьлуьхъди чукурна: ам и кьил, а кьил авачир майданра экIя хьанвай цин гьамбардиз, лацу фирияр алай гужлу лепейриз, абурал ацукьиз-къарагъиз лув гузвай къугь къушариз гьейранвилелди килигзава. Вилер тух жезвач, серин шагьвар галукьайла, чандиз регьят жезва.  Читать далее »

Гьикая “Сефер”. Детский рассказ на лезгинском языке

     Сефера гьамиша вичин затIар квадардай: гагь ягълух, гагь туп, гагь ктаб. Са сеферда адавай ручка квахьна.
     Синифдиз муаллим атана. Ада доскадал “р” гьарф кхьена ва Сеферал и гьарфунилай башламишдай гафар лугьун тIалабна. Гада киснавай.
  – Вуна квелди кхьида? – жузуна муаллимди.
  – Ада ручкадалди кхьида! = куьмек гана аялри.
  – За карандашдалди кхьида, – лагьана Сефера, – зи ручка квахьнава.
  Аялар хъуьрена.

Гьикая “Цавун къенфетар”

   Цаву къукърумар авуна, цIайлапанар яна, марф къваз башламишна. Гьаятдиз килигайла, заз чилел лацу къенфетар алаз акуна. Абур цавай са къатда къвазвай.

Читать далее »

Гьикая “Школадин сала”. Детский рассказ на лезгинском языке

   Чи школадихъ лап хъсан сал ава. Ина хъипи буранарни, яру помидорарни, яру чугъундурарни, лацу турпарни, еке келемарни, лап ири картуфарни ава. Ибур вири чи школадин аялри битмишарайбур я. Чаз салар цаз, салан майварин бул бегьер къачуз чи муаллим Сабир Аслановича чирна. Салай бул бегьер къачун патал чун гзаф алахъна.   Читать далее »

Гьикая “Къушар куьч жезва”. М. Гьажиев

    Зул алукьайла, са бязи къушар чими уьлквейриз куьч жеда, вучиз лагьайтIа абурувай чи чкайра жедай мекьивилериз давам гуз жедач. Чими чкайриз чубарукар, дурнаяр, билбилар ва маса къушар куьч жеда. Къушар куьч жедайла, адет яз, абур луж-луж кIватI жеда, тарарал ацукьда, тамарани чуьллера абур чпиз недай затIуннихъ къвекъведа. Читать далее »

Гьикая «Къаравул». Детский рассказ на лезгинском языке

    Гатун эхир тир. Багъда бул емишар авай. Байрам халу ана къаравул тир. ГъвечIи Семед гьар нянихъ адал алахъиз хьана.

   – Зун вахъ галаз багъ хуьз твах, чан халу, твах ман! – лугьуз, алат тийиз хьана.

   – Вакай за вучда? Вавай багъ хуьз жедач, вун ахварал фида, – лагьана халуди.

   Амма Семед алатнач. Читать далее »

«Ассаламу алейкум» – мусурманрин салам

       Диде цIуд йис хьанвай Саидни галаз туьквендай кIвализ хъфизвай. Куьчеда гададин дустар ва таяр футбол къугъвазвай. Абурун патав фена Саида салам гана: садаз ада гъил яна, масадаз яргъалай кьилин ишара авуна, пуд лагьайдаз «хийирар» лагьана. Аялар алай чкадилай са тIимил яргъа хьанмазди дидеди хвадивай хабар кьуна:
– Саид, вучиз вуна ви дустариз мусурмандиз кутугай тегьерда салам гузвач? Читать далее »

Гьикая “Векье”. Детский рассказ на лезгинском языке

          Мирзедини Керима векь язавай. Абуруз са кIунтIунин кIаняй туртурдин муг жагъана. Шарагриз тIуьн гваз хтайла, туртурдиз акуна хьи, элкъвена мукан къваларив гвай векь вири янава. Туртурди вичин шарагриз лагьана: «Чан шарагар, чи кьилел бала атанва! Секиндиз, кисна ацукь, тахьайтIа куь эхир пуч жеда. Нянихъ, мичIи хьайила,за куьн маса чкадиз тухуда».

Читать далее »