Шиир “Жив”. Шаир Дагълар Абдуллаев. Стих о снеге на лезгинском языке

Ангье, гьарнавай атир чикIиз,
Яр-емиш кIватI хъийизва бул.
Жив авай хъуьтIуьн йикъара
Жеда къени гьар садан къул.  

Живеди чак аялрикни
Хвеш кутада хъуьтIуьн цикIиз.
Къе и чунни женгиник ква,
Куьгьне гъелер цIийи хъийиз.

ЧIехибурни вири сагърай
И карда чаз гузвай куьмек!
Зулун гьяддин йикъара чун
Абурузни хьанай герек.

Дагълар Абдуллаев

Один комментарий

  • Кьуьд

    Дили вац1ар зарба кьуьлдай
    Акъвазардай къуват аку!
    Жанавур хьиз гьатна чуьлда
    Саврухдив гвай гьайбат аку!

    Жив къирме хьиз акьаз пеле,
    Къайу ат1уз чк1улди хьиз,
    Мекьи хьайи гишин сик1ре
    Ц1ур ч1угвазва гурц1улди хьиз.

    Гару, ягьсуз къачагъди хьиз,
    Хурудик гъил кутазва зи.
    Гьар хъиткьердай гьахьиз к1вализ,
    Мич1и дак1ар гатазва зи.

    Лацу кавал галчукнава
    Гьар са тарци тама авай.
    Гъуьрчен киц1и галтугзава
    Чапрас къуьрехъ к1ама авай.

    Гъуьрчехъандин къаних вилер
    Гьар са валан к1ане ава.
    Живедик суст хьанва чуьллер –
    Буш я чанта къуьне авай.
    Рамазан Нагъиев

    Чаз кич1е туш къайукай

    Живер физва кьамукай,
    Кич1е туш чаз къайукай.
    Ц1ай акъатиз япарай,
    Авахьда чун кьамарай.

    Кьамар ква чи к1вачерик,
    Ц1ап1рап1ар ква вилерик.
    Къачуз жезвач вилик кам,
    К1вач кик1извач чилерик.

    Налугьуди, ч1ижери
    Къвез к1асзава туп1ар зи.
    К1уьвв ийиз къвез къайуни
    Акъажзава япар зи.

    Живер физва кьамукай,
    Чаз кич1е туш къайукай.
    Ифин чк1из япарай
    Авахьда чун кьамарай.

    Рамазан Нагъиев

Оставить комментарий