Шиир. Кьуьд. Шагь-Эмир Мурадов. Стих о зиме на лезгинском языке

Лацу яргъан галчукна,

Ахваралла чи чуьллер.

Къалин партал алукIна,

Аквада ваз чи эллер.

***

Тарар, тамар сефил я,

НуькIер шаддиз къугъвазмач.

Ракъинин экв серин я,

Багъда билбил рахазмач.

***

Зун гьамиша тарсарай

Агакьзава хъсандиз.

Авахьдайвал кьамарай,

Фида гила майдандиз.

***

Партал къалин, кефи саз,

Мекьекай низ хабар я?

Ша, аялар, фи къугъваз,

ВикIегь жедай йикъар я.

Ш. – Э. Мурадов

Оставить комментарий