Мах “КичIехъан”. Азизрин Севда

      zajac

Хьана кьван,  хьанач кьван са къуьр.  Ам яргъи япар, чапрас вилер, шуькIуь кIвачер авай адетдин къуьр тир. Лугьуз тежедай кьван кичI авай адан чанда. Вич кьван ки-чIехъан санани авачир хьиз жезвай адаз. И чапрасаз чизвачир хьи, вири къуьрер гьа вич хьтин кичIехъа-нар я. 

      Cадра гьикI ятIани къуьре вичин кумадин патав ацукьна векьер нез хьана. Садлагьана таран хел хайи ван хьана адаз. КичIе хьайи къуьрен рангар ат1ана. Ам хилелай хилел хкадарай нуькI тирди чир хьайила вичел хтана. Са герендилай пешерин вишришдин ва-нер акъатна. Ял атIана ша-пIадин. Вишриш кутур кьиф акурла чапрасак зурзун акатна, къах хьана ам алай чкадал. Са тIимил чIавалай вичел хтай къуьр вич-вичихъ рахана: «Зун авай югъ аку тIун! Гьар са ванцикай икьван кичIе женни? Мад зи чан туьтуьниз кIватI хьана хьи! ИкI къар акъудунилай рекьин хъсан я! Вегьеда за жув машиндин кIаник, чан куьтягь хьурай зи!»
      ИкI лагьана фена къуьр шегьредихъ. Валарин арадай са ге-ренда килигна, эхирни зурзаз -зурзаз фена рекьин юкьвал ацукьна.
Машин лагьай затI авачир а патара. Няналди адан рехъ виливди хвена къуьре. Югъ мичIи хьайила, кичIела чанда фул гьатай чапрас хъфена вичин кумадиз.
     Экуьнахъ чапрасаз накь тавуна амай кIвалахар кьилиз акъу-диз кIан хьана. Ингье накьанан кагьулвал мад кужумна адан рикIи. «ВучайтIани са къуз зун я сикIрен, яни жанавурдин сарак акатдайди я. Ацукьда зун тамун юкьвал са кIанчIал, атана тIуьрай низ кIандатIани».
       Акьахна къуьр кIанчIал. Сятар къвез алатзавай, къуьр гьа вичин чкадал аламай. Тамун гьайванар чпин кар-кеспидихъ гел-къвезвай. Виридан кьил какахьнавай. Инал къуьр алани, алачни, садани байихзавачир. Ацукьдалди галатна ам. Гишила руфуни кьуркьурзавай чапрасдин.  «Жуван тIуьнин къайгъу чIугван. Галатна зун кагьулвиликай», лагьана кIанчIалай эвичIна тамуз чукурна ада. ТIебиатдин иервилери, къушарин шад ванери чапрасан кефияр къумбар авунвай. КичIевал рикIелай алатнавай адан.

Оставить комментарий